2025-жылдын 8-апрелинде Кыргыз Республикасынын Экономика жана коммерция министринин орун басары Назарбек Малаевдин Кыргыз Республикасынын Тышкы соода ишмердигинин катышуучулары менен кош багыттагы товарлардын жүгүртүлүшүн контролдоо маселелери боюнча жолугушуусу болуп өттү.
Министрдин орун басары экспорттук көзөмөл жаатындагы мыйзамдардагы акыркы өзгөрүүлөр тууралуу маалымдады. Анын айтымында, контролдонуучу продукциянын улуттук текшерүү тизмесине кошумча 5 товардык позиция, анын ичинде кош багыттагы касиетке ээ станоктордун айрым түрлөрү киргизилген.
Министрдин орун басары массалык куралды жайылтпоо боюнча Эл аралык келишимдердин алкагында республиканын милдеттенмелерин эске алуу менен экспорттук көзөмөл чөйрөсүндөгү мыйзамдарды сактоо зарылдыгын баса белгиледи.
Ошондой эле ал Кыргызстандын экономикасынын тармактары үчүн, өзгөчө өнөр жай, агроөнөр жай жана тоо-кен секторлорунда кош багыттагы товарлардын маанилүү ролун белгиледи. Буга байланыштуу мамлекет тарабынан кош багыттагы товарлардын максаттуу багыты боюнча контроль жүргүзүлүүдө. Экспорттук контролдун талаптарын бузган ишкерлерге карата Кыргыз Республикасынын мыйзамдарына ылайык жоопкерчилик чаралары көрүлөт.
Ошондой эле жолугушуунун жүрүшүндө катышуучуларга БУУнун Коопсуздук Кеңешинин товарларынын жана адамдарынын, бир катар чет өлкөлөрдүн байланышы же тышкы соода операциялары терс кесепеттерге алып келиши мүмкүн болгон санкциялык тизмелери, анын ичинде мындай өлкөлөрдүн санкциялык тизмесине компанияларды киргизүү жөнүндө Кошумча маалымат берилди. Мындай өлкөлөр менен байланыш же соода операциялары терс кесепеттерге, анын ичинде компаниялардын санкциялык тизмеге кошулушуна алып келиши мүмкүн экендиги эскертилди.
Мындан тышкары, жолугушуунун катышуучулары уруксат берүүчү документтерди, түшүндүрмөлөрдү, эксперттик корутундуларды алуу процесстерин жөнөкөйлөтүү жана кош багыттагы товарларды идентификациялоону жүргүзүү маселелерин талкуулашты.
Катышуучулар тең салмактуу чечимдерди иштеп чыгуу үчүн конструктивдүү диалогдун маанилүүлүгүн белгилеп, мамлекеттик органдар менен өз ара аракеттенүүнү кеңейтүүгө кызыкдар экендигин билдиришти.
