#КРЭКМ Бакыт Сыдыков Өзбекстан Республикасына болгон иш сапарынын алкагында Ташкенттеги Кыргыз Республикасынын Соода өкүлчүлүгүнүн кеңсесинин ишмердүүлүгү менен таанышты жана өлкөлөр ортосундагы эки тараптуу кызматташтыкты чыңдоо боюнча пландарды иликтеди.

Сапардын максаты соода-экономикалык өз ара аракеттешүүнүн учурдагы маселелерин талкуулоо жана товар жүгүртүүнү көбөйтүү үчүн стратегияларды иштеп чыгуу жана биргелешкен инвестициялык долбоорлорду ишке ашыруу болду. Логистикалык инфраструктураны өнүктүрүүнүн жана Кыргызстан менен Өзбекстандын ишкерлери үчүн жагымдуу шарттарды түзүүгө өзгөчө көңүл бурулду.

Бакыт Сыдыков эки мамлекеттин профилдик түзүмдөрүнүн ортосундагы институционалдык өз ара аракеттенүүнү бекемдөө башкы маселелердин бири экенин баса белгиледи. 

Ошондой эле, кыргыз товарларын жана кызматтарын Өзбекстандын рыногуна мындан ары жылдыруу максатында соода өкүлчүлүгүнүн ишин активдештирүү зарылдыгын белгиледи, бул соода көлөмүн көбөйтүүгө жана биргелешкен экономикалык демилгелерди өнүктүрүүгө өбөлгө түзөт.