Кыргыз Республикасынын Экономика жана коммерция министрлигине караштуу Туризм департаментине директордун жаңы орун басары болуп Малика Молтоева дайындалды.

Малика Молтоеванын өмүр баяны: 

Молтоева Малика Эсенгельдиевна 1996-жылдын 10-июнунда туулган.

2018-жылы Кыргыз Республикасынын Тышкы иштер министрлигинин алдындагы Дипломатиялык академиясында «Эл аралык мамиле» (дипломатия жана консулдук кызмат) адистиги боюнча бакалавр дипломун алган. 
2020-жылы «Эл аралык укук» (юриспруденция) багыты боюнча магистратураны аяктаган.

Эмгек жолу:
• 2022-жылдын октябрынан 2024-жылдын сентябрына чейин – ЖЧК «Сан Планет Органик» – Кыргызстандагы жогорку сапаттагы органикалык продукцияларды эл аралык рынокторго экспорттоочу компанияда башкы маркетолог.

• 2021-жылдын январынан 2023-жылдын октябрына чейин – Кыргыз Республикасында Европалык Союздун Өкүлчүлүгүнүн Проектиси – медиа боюнча эксперт/ивент менеджер.

• 2023-жылдын мартынан 2024-жылдын декабрына чейин – Европалык Союздун Өкүлчүлүгүнүн Регионалдык Проектиси - SECCA (Орто Азияда туруктуу энергетикалык байланыштар) – медиа боюнча эксперт (ивент-менеджер).

• 2018-жылдын декабрынан 2019-жылдын августуна чейин – Дүйнөлүк этно оюндар конфедерациясы (World Ethnogames Confederation) – ивент-менеджер.

•2020-жылдын сентябрынан 2020-жылдын декабрына чейин – "Бишкек" Эркин экономикалык чөлкөмүндө (ЭЭЧ ) – коомчулук менен байланыштар боюнча башкы адис.

• 2020-жылдын февралынан 2020-жылдын декабрына чейин – «Активдүү ыктыярчылар» коомдук фонду – долбоордун координаторунун жардамчы.