2025-жылдын 1-апрелинде Худжанд шаарында (Тажикстан Республикасы) «Навруз —аймактын байыркы маданий-туристтик мурасы» регионалдык туристтик форум-диалог өттү.

Кыргызстанды форумда КР Экономика жана коммерция министрлигине караштуу Туризм департаментинин директору Эрдент Касымов катышты. Форумдун жыйынтыгы менен үч өлкөнүн туроператорлорунун ортосунда 30 меморандумга кол коюлду, алардын ичинен 14 кыргызстандык компаниялар менен. Жалпысынан #КРЭКМ чакыруусу менен 16 туристтик компания иш-чарага барды. Катышуучулар биргелешкен туристтик маршруттарды өнүктүрүүнүн келечегин жана туризм тармагындагы өнөктөштүктү күчөтүүнү талкуулашты.

Ошондой эле кыргыз тарап улуттук көргөзмө уюштуруп, салттуу кол өнөрчүлүктү жана этникалык кийимдерди көрсөтүштү.

Форум аймактын биримдигинин жана жалпы маданий мурасынын символу болгон Нооруз майрамына арналды. Ал Борбор Азиядагы маданий-гуманитардык өз ара кызматташууну бекемдөө боюнча аракеттердин уландысы болуп, Кыргызстан, Тажикстан жана Өзбекстандын мамлекет башчыларынын үч тараптуу жолугушуусунда жетишилген макулдашууларды ишке ашыруунун бир бөлүгү болуп саналат.