#КРЭКМ өкмөт, ишкерлер, жарандык коом жана эл аралык уюмдардын өкүлдөрү менен жолугушуу өткөрдү. Япония өкмөтү тарабынан колдоого алынган жана ПРООН тарабынан ишке ашырылып жаткан «Ишкердик жана адам укуктары» долбоорунун алдыга жылышы талкууланды.

Кабыл алынган Программа инвестициялык климатты жакшыртууга, айкындуулукту жогорулатууга жана адал ишкердикти өнүктүрүүгө багытталган. Экономика жана коммерция министринин орун басары Гүлшат Асылбаева БУУнун Жетектөөчү принциптерин ишке ашыруу инвестициялык жагымдуулукту арттырып, көмүскө экономиканы кыскартууга жана жаңы жумуш орундарын түзүүгө өбөлгө түзөрүн белгиледи.

Япониянын элчиси Хидэки Года адам укуктарына урматтоо экономикалык өсүштүн маанилүү фактору экенин баса белгилеп, долбоор ишкердик чөйрөнү жакшыртууга жана инвесторлорду тартууга, анын ичинде япон компанияларын кызыктырууга багытталганын билдирди.

Борбор Азиядагы биринчи Иш-аракеттер планы ишкердик процесстерди эл аралык стандарттарга шайкеш келтирүү үчүн негиз түзөт.

Жолугушууга катышуучулар Иш-аракеттер планын натыйжалуу ишке ашыруу үчүн мамлекет, бизнес жана жарандык коом ортосундагы кызматташууну улантуунун маанилүүлүгүн баса белгилешти.

Маалымат үчүн:

Улуттук негизги баалоо жүргүзүлүп, мыйзамдардагы жана саясаттагы боштуктар аныкталды. Консультацияларга 149 уюмдан 249 өкүл катышты.

40 000ден ашуун адамды камтыган маалымат кампаниясы уюштурулуп, ишкердик жана адам укуктары боюнча негизги документтер кыргыз жана орус тилдерине которулду.