#КРЭКМ Чүй облусунун прокуратура органдары жана башка мамлекеттик түзүмдөр менен биргеликте ишкерлердин укуктарын коргоого багытталган тегерек стол жана жумушчу жолугушууларды өткөрдү.

Талкууга ишкерлер, укук коргоо органдарынын, салык, ветеринардык жана санитардык кызматтардын өкүлдөрү катышып, ишкердикке мыйзамсыз кийлигишүүнү болтурбоо жана негизсиз текшерүүлөрдү алдын алуу маселелерине өзгөчө көңүл бурулду.

Катышуучуларга текшерүүлөрдү жүргүзүүнүн мыйзамдуу тартиби жана жоопкерчилик чаралары тууралуу маалымат берилди. Ошондой эле, текшерүү иш-чараларынын ачыктыгын камсыз кылуу максатында иштелип чыккан “Ишкердик субъекттерин текшерүүлөрдү каттоо” автоматташтырылган маалымат системасы жана “Бизнести коргоо” мобилдик тиркемеси тааныштырылды.

Мындан сырткары, ишкерлерге прокуратура органдарына кайрылуу тартиби боюнча түшүндүрмө берилген эскертмелер таратылып, видеоматериалдар көрсөтүлдү. Талкуу жүрүшүндө катышуучулар пикир алмашып, мындан ары да тыгыз кызматташууга даяр экендиктерин билдиришти.