Бүгүн, Кыргыз Республикасынын Министрлер Кабинетинин Төрагасы, Президенттин Аппаратынын жетекчиси Адылбек Касымалиевдин төрагалыгы алдында, суверендик кредиттик рейтингди Кыргыз Республикасына берүү процесси боюнча  маанилүү жыйын өттү. 

Иш-чарада Кыргыз Республикасынын негизги мамлекеттик органдарынын жетекчилери, анын ичинде экономика жана коммерция министри Бакыт Сыдыков жана анын орун басары Санжар Болотов да катышты. Чогулушта белгиленгендей, кредиттик рейтинг - өлкөнүн экономикалык туруктуулугунун жана инвестициялык тартылуусунун негизги көрсөткүчү. 

Кредиттик рейтингди берүү Кыргыз Республикасына эл аралык капитал рыногундагы ордун бекемдөөгө, стратегиялык инвестицияларды тартууга жана туруктуу экономикалык өсүш үчүн ыңгайлуу шарттарды түзүүгө мүмкүндүк берет. 

Бул аракеттер мамлекетибиздин стратегиялык максаттарын ишке ашырууда маанилүү кадам болуп саналат, ал өлкөгө эл аралык өнөктөштөрдүн ишенимин арттырууга жана анын дүйнөлүк аренада аброюн бекемдөөгө өбөлгө түзөт.