Кыргыз Республикасы эл аралык стандарттарды бекемдөөгө карай маанилүү кадам жасап, 2025–2027-жылдарга БУУнун ишкердик жана адам укуктары боюнча жетекчилик принциптерин ишке ашыруу программасын бекитти.

 БУУнун Адам укуктары боюнча кеңеши тарабынан 2011-жылы кабыл алынган жетекчилик принциптер үч негизги компонентке негизделет: 

 Мамлекеттин адам укуктарын коргоо милдети. 

 Бизнес чөйрөсүнүн адам укуктарын сактоо жоопкерчилиги. 

 Адам укуктары бузулган учурда укуктук коргоо кепилдиги. 

Программа төмөнкү багыттарга багытталган:

 *Бизнес чөйрөсүндө адам укуктарын сактоо боюнча корпоративдик жоопкерчиликти илгерилетүү.

 *Кыргызстандын инвестициялык жагымдуулугун жогорулатуу. 

*Ишкердик жана адам укуктары маселелери боюнча мамлекеттик органдардын макулдашылган иш-аракетин камсыз кылуу.

 План 3 компонентти, 9 милдетти жана 25 иш-чараны камтыйт. Аларды ишке ашырууга мамлекеттик органдар, бизнес-ассоциациялар жана бейөкмөт уюмдар тартылган. 

Программа Кыргызстанга Борбор Азия аймагында өз позициясын бекемдөөгө, эл аралык стандарттарды сактоого болгон умтулуусун көрсөтүүгө жана ишкердик үчүн ачык-айкын шарттарды түзүүгө жардам берет. 

Бул кадам өлкөнүн эл аралык инвесторлор үчүн ишенимдүү жана социалдык жоопкерчиликтүү өнөктөш катары өнүгүүсүндө маанилүү роль ойнойт.