Кыргыз Республикасынын Министрлер Кабинетинин 26-декабрындагы токтому менен бекитилген Кыргыз Республикасынын ак ниет ишкерлеринин Реестрин жүргүзүү жөнүндө Жобого ылайык 2022 - жылдын 26-декабрындагы №715 (мындан ары-Жобо) Кыргыз Республикасынын ак ниет ишкерлеринин Реестрине (мындан ары-Реестр) киргизүү үчүн ишкерлердин арыздарын тандоо жүргүзүлдү.

Кыргыз Республикасынын Экономика жана коммерция министрлигинин буйругу менен түзүлгөн туруктуу иштөөчү Кыргыз Республикасынын ишкердик субъекттерин тандоо боюнча Ведомстволор аралык комиссиянын (2024-жылдын 23-декабрындагы) чечимине ылайык 18.06.2024-ж. №29 Реестрге төмөнкү ишкердик субъекттери киргизилген:

1) МЧК “Алайку Органикс”;

2) МЧК “Альянс Алтын”;

3)  МЧК “Кул Брос”;

4) МЧК “Айко-Сейко”;

5) МЧК “Ажи Сервис”;

6) ЖАК “Кока-Кола Бишкек Боттлер”;

7) МЧК “Бай Дыйкан”;

8) ЖАК “Демир Кыргыз Интернэшнл Банк”.

Реестрге кирген ишкер төмөнкү артыкчылыктарга ээ:

1) медиа-жарнак үчүн Кыргыз Республикасынын мамлекеттик телеканалдарынан акысыз обо убактысын алат;

2) салык жана бажы кызматтарын кезексиз алат;

3) Кыргыз Республикасынан эл аралык көргөзмөлөргө, жарманкелерге, форумдарга акысыз катышат;

4) Кыргыз Республикасынын салык мыйзамдарына ылайык жүргүзүлүүчү текшерүүлөрдү кошпогондо, Кыргыз Республикасынын ак ниет ишкерлеринин реестрине киргизилген учурдан тартып мамлекеттик контролдоочу органдар тарабынан үч жылга текшерүүдөн бошотулат;

5) мамлекеттик кредиттөө программаларын ишке ашыруунун алкагында жеңилдетилген каржылоону алат.

Реестр Кыргыз Республикасынын Экономика жана коммерция министрлигинин расмий сайтында “ишкерлик” бөлүмүндө жайгаштырылган.