Кыргызстандык ичүүчү суу өндүрүүчү «НАК» ЖЧКсы Өзбекстандын «GARNETGROUP» жана «MAGIC GALAXY» компаниялары менен «Crystal» брендиндеги суусун жеткирүү боюнча узак мөөнөттүү эки келишимге кол койду.
 
Бул келишимдер 2024-жылдын 16-17-декабрында Кыргыз Республикасынын Экономика жана коммерция министрлигине караштуу Өзбекстандагы Соода өкүлчүлүгү уюштурган эки күндүк программанын алкагында түзүлдү. 
 
Программанын алкагында B2B жолугушуулар жана сүйлөшүүлөр өтүп, тараптар кызматташуунун шарттарын талкуулашты жана өз ара пайдалуу макулдашууга жетишти.
 
Бул келишимдер Кыргызстан менен Өзбекстандын ортосундагы экономикалык кызматташтыкты чыңдап, өлкөнүн экспорттук потенциалын кеңейтүүгө өбөлгө түзөт.