Кыргыз Республикасынын Экономика жана коммерция министрлигине караштуу Өзбекстан Республикасындагы Кыргыз Республикасынын Соода өкүлчүлүгү жана Региондорду өнүктүрүү боюнча социалдык өнөктөштүк фонду өнөктөштүк жөнүндө меморандумга кол коюшту, ал Кыргызстандын региондорун өнүктүрүү үчүн жаңы мүмкүнчүлүктөрдү ачат.
 
Кызматташуунун максаты — социалдык-экономикалык долбоорлорду ишке ашыруу үчүн узак мөөнөттүү жана натыйжалуу өнөктөштүк мамилелерди түзүү. Бул кызматташтык өлкөбүздүн аймактарындагы жашоо шарттарын жакшыртууга, экономикалык өсүшкө дем берүүгө жана мамлекеттик жана жеке түзүмдөрдүн ортосундагы өз ара аракеттенүүнү бекемдөөгө карай маанилүү кадам болуп калат.
 

Меморандумдун негизги милдеттери:
 
 —региондорду өнүктүрүү үчүн биргелешкен социалдык-экономикалык долбоорлорду иштеп чыгуу жана ишке ашыруу;
 —Кыргыз Республикасында инвестициялык климатты жакшыртуу боюнча өнөктөштүк мамилелерди түзүү жана тажрыйба алмашуу;
 —өз ара кызыкчылык туудурган чөйрөлөр тууралуу ачык маалымат алмашуу жана кызматташуу.
 
«Биз бул меморандум региондорду активдүү өнүктүрүү үчүн маанилүү импульс болуп, жашоо сапатын жакшыртууга жана бизнес жана коом үчүн жаңы мүмкүнчүлүктөрдү түзүүгө өбөлгө болоруна ишенебиз», — деп билдирди КРнын Өзбекстандагы соода өкүлү Алмаз Темирбеков.