2024-жылдын 8-октябрында «Jannat Regency» мейманканасынын жайкы аянтчасында  сыртка чыгуучу туризм боюнча ири Жарманке өттү. Бул өзгөчө иш-чарада кыргызстандыктар үчүн эң мыкты чет өлкөлүк эс алуу мүмкүнчүлүктөрүн сунуштаган 15 алдыңкы жергиликтүү туроператорлор катышты.
 
 Өткөн жылдардын эң популярдуу багыттары болгон Түркия жана Бириккен Араб Эмираттарына суроо-талап дагы эле жогору бойдон калууда, бирок быйыл кыргызстандыктардын кызыгуусу жаңы багыттарга барган сайын күчөп жатат. Кытай, Малайзия, Венгрия жана Түштүк Корея сыяктуу өлкөлөргө кызыгуу өсүүдө. Бул багыттар сыртка чыгуучу туризмдин ыкчам өнүгүүсү жана жаңы авиакаттамдардын ачылышы менен чоң популярдуулукка жетүүдө. Жаңы каттамдар саякаттоону жеңилдетип гана тим болбостон, Кыргызстанга чет элдик туристтерди тартуу мүмкүнчүлүгүн да кеңейтүүдө.
 
 Жарманкеге келгендер туристтик сунуштардын чоң тандоосу менен таанышып, көңүл ачуучу программадан: концерттен, конкурстардан, ошондой эле баалуу байгелерди ойнотуудан ырахат алышты. Негизги сыйлыктар катары C.A.T. компаниясы тарабынан «Shah Palase Hotel» мейманканасында эки адамга эс алуу сертификаттары тапшырылат.
 
 Мындан тышкары, «Jannat Regency» мейманканасында Туризмди өнүктүрүү боюнча Улуттук кеңештин отуруму өтүп, жайкы туристтик сезон жыйынтыкталып, тармакты өнүктүрүү перспективалары талкууланды.