2024-жылдын 24-июлунда Бишкек шаарында Кыргыз Республикасынын экономика жана коммерция министри Данияр Амангельдиевдин Евразия экономикалык комиссиясынын Экономика жана каржы саясаты боюнча Коллегия мүчөсү (министр) Бахыт Султанов менен жолугушуусу болуп өттү.

Жолугушуунун жүрүшүндө Евразия экономикалык комиссиясынын Экономика жана каржы саясаты блогу тарабынан жүргүзүлүп жаткан иштердин багыты боюнча актуалдуу аспекттер, анын ичинде бизнести колдоо, акча-кредиттик, валюталык, салык саясаты, эмгек миграциясы жана социалдык коргоо маселелери талкууланды.

Жолугушуунун катышуучулары мындан ары тыгыз жана жемиштүү кызматташууга даяр экендигин билдиришти.