Айнура Усенбекова КР менен РФнын бир катар ишканаларынын ортосундагы кооперациялык кызматташуусун талкуулады

Новости
04-Июль 2024-ж.
958

2024-жылдын 2-июлунда Москвада (РФ) Кыргыз Республикасы менен Россия Федерациясынын ортосундагы соода-экономикалык, илимий-техникалык жана гуманитардык кызматташтык боюнча Өкмөттөр аралык комиссиянын (ӨАК) 25-отурумунун алдында, Красноярск шаарында (2024-жылдын 10-11-июлунда) өтөт, ӨАКнын алдындагы Өнөр жай боюнча кыргыз-россиялык жумушчу тобунун 5-отуруму болуп өттү.

Отурумга кыргыз тараптан КРнын экономика жана коммерция министринин орун басары Айнура Усенбекованын төрагалыгы алдында Жумушчу топтун мүчөлөрү катышты. 

Тараптар энергетика, IT технологиялары, машина куруу, металлургия, фармацевтика, курулуш материалдары тармактарында өнөр жай кооперациясын өнүктүрүү, себилдегичтерди жеткирүү, Кыргыз Республикасынын аймагында индустриалдык парктарды түзүүдө билим жана тажрыйба алмашуу сыяктуу тармактарда долбоорлорду ишке ашыруунун келечегин талкуулашты.

2023-жылдын декабрында кол коюлган Жол картасын ишке ашырууда КРнын «Вираж» ЖЧК жана РФнын «КАМАЗ» КАКму менен бирдикте, өндүрүштүк аянттарда камаз шассисинин базасында автотехниканы чогултуу өндүрүшүн уюштуруу боюнча кызматташуунун маанилүүлүгүн белгилешти.

Ошондой эле Кыргыз Республикасынын аймагында тазалоочу курулмаларды өндүрүүнү уюштуруу жана «Титан Полимер» АК менен «Скай Индустриал Групп» ЖЧКнун ортосундагы кооперациялык кызматташуу маселелери каралды.

Кыргыз Республикасынын аймагында индустриалдык паркты түзүү чөйрөсүндө өз ара аракеттенүүнү жөнгө салууда артыкчылык белгиленген.

Айнура Усенбекова белгилегендей, өнөр жай саясатынын негизги багыттарынын бири Кыргыз Республикасы менен Россия Федерациясынын ортосундагы кооперацияны тереңдетүү болуп саналат. Биздин жалпы максатыбыз - бул соода-экономикалык жана өнөр жай чөйрөлөрүндө узак мөөнөттүү стратегиялык милдеттерди чечүү үчүн эки тараптуу шарттарды түзүү.

Тараптар бири-биринин улуттук кызыкчылыктарын эске алуу менен өз ара пайдалуу кызматташтыкты камсыз кылуу принциптерине негизденип, өз ара пайдалуу кызматташтыкты камсыз кылуу принциптерине негизденип, индустриалдык өнүгүүнү жогорулатуунун үстүндө иштей турган ишкер байланыштарды мындан ары бекемдөөгө даяр экендиктерин билдиришти.

Предложения по улучшению сайта
Онлайн кайрылуу