2015-жылдын 19-ноябрында мамлекеттик органдардын, жергиликтүү өз алдынча башкармалыктардын жана Кыргыз Республикасынын бизнес-ассоциацияларынын катышуусунда Евразия экономикалык бирлиги, Россиянын региондорунун өкүлдөрү, Россиянын ири чекене соода ассоциациялары менен биргеликте видео-конференция режиминде биргелешкен кеңири жыйын болот.

Ошондой эле Кыргызстандын Евразия экономикалык бирлигине (ЕАЭБ) мүчө болушундагы алгачкы 100 күнүнүн жыйынтыктарына арналган пресс-конференция болот. Иш-чара «Россия-Кыргызстан» видео-конференция форматында өтөт. Кыргыз тараптан модератор катары Экономика министри Кылычбек Джакыпов, ЕЭК тараптан ЕЭК Коллегия мүчөсү Данил Ибраев чыгат.