“Кыргызстан Эр-Риядда инвестициялык форумда: жаңы перспективалар жана кызматташтыкты бекемдөө”

2024-жылдын 29-майында Сауд Аравия Королдугунун Эр-Рияд шаарында КР экономика жана коммерция министринин орун басары Санжар Болотов “Тоо-кен өнөр жайы жана металлургия” тематикалык сессиясында инвестициялык мүмкүнчүлүктөр “Араб өлкөлөрүнүн жана Борбордук Азиянын кызматташтык кеңешинин инвестициялык форумуна” катышты.

С. Болотов өз сөзүндө алтын өндүрүүнү көбөйтүү, алдыңкы технологияларды киргизүү жана жөнгө салуучу реформаларды жүргүзүү сыяктуу тоо-кен секторундагы учурдагы өнүгүү тенденциялары жөнүндө маалымдады.

Санжар Болотов тоо-кен тармагындагы перспективдүү инвестициялык мүмкүнчүлүктөрдү белгилеп, Араб аймагынын инвесторлорун кызматташууга чакырып, Кыргыз Республикасы биргелешкен ишканаларды түзүүгө даяр экендигин баса белгиледи. Ошондой эле форумдун катышуучулары бул жылдын 19-20-июнунда Бишкек шаарында өтө турган “MINEX Central Asia” Тоо-геологиялык форумуна чакырылган.

Форумдун алкагында экономика министринин орун басары Сауд Аравия Королдугунун инвестиция министрлиги жана Энергетика министрлиги менен эки тараптуу жолугушууларга да катышты. Бул жолугушуулардын жүрүшүндө Кыргыз Республикасы менен Сауд Аравиясынын ортосундагы кызматташуунун перспективдүү багыттары жана өкмөттөр аралык комиссиянын кезектеги жыйынын өткөрүү талкууланды.

С.Болотовдун форумга жана эки тараптуу жолугушууларга катышуусу Кыргыз Республикасынын араб өлкөлөрү менен экономикалык байланыштарды чыңдоого жана Кыргыз Республикасынын тоо-кен тармагын жана экономикасын андан ары өнүктүрүү үчүн чет элдик инвестицияларды тартууга даяр экендигин тастыктады.