Ушул жылдын акыркы жумасында Борбордук Азия жергиликтүү өз алдынча башкаруу академиясынын машыктыруучулары тарабынан Нарын шаарынын райондорун жана Нарын облусунун айыл аймактарын социалдык-экономикалык өнүктүрүү программаларын иштеп чыгуу боюнча окутуучу семинарлар өткөрүлдү.

Маалым болгондой," шаарларды жана айыл аймактарын социалдык-экономикалык өнүктүрүү программаларын иштеп чыгуу боюнча жергиликтүү өз алдынча башкаруу органдары үчүн методикалык колдонмо " Кыргыз Республикасынын Экономика жана коммерция министрлиги тарабынан иштелип чыккан, бекитилген.

Бул семинарлар “Аймактык деңгээлде пландаштыруунун социалдык-экономикалык өнүгүү программасын иштеп чыгуу жана стратегиялык пландаштырууну ишке ашыруу” методикалык колдонмосунун негизинде өткөрүлдү.

Тренингге бардык айыл өкмөттөрүнүн жана райондордун кызматкерлери жана КР ЭКМнин облустар аралык башкармалыгынын Нарын облустук бөлүмүнүн кызматкерлери активдүү катышты. Тренерлердин жардамы менен кызматкерлер Нарын облусунун айылдарын жана райондорун социалдык-экономикалык өнүктүрүү боюнча программаларды талдап чыгышты, кошумча сунуштар берилди – төлөмдөрдү эске алуу менен программалар иштелип чыкты. Ошол эле учурда Борбордук Азиянын Жергиликтүү өз алдынча башкаруу академиясынын тренерлери семинардын жүрүшүндө даярдалган программаларды талдоо жана кеңеш берүү оңой болгонун өзгөчө белгилешти. Ошондой эле программаларды жазууга көмөктөшкөн КР Экономика министрлигинин Аймактар аралык башкармалыгынын Нарын облустук бөлүмүнүн кызматкерлерине ыраазычылык билдирилди.

Семинардын аягында катышуучуларга сертификаттар тапшырылды.