Бул тууралуу 2024-жылдын 26-мартында Кытай Эл Республикасындагы Кыргыз Республикасынын Экономика жана коммерция министрлигине караштуу Соода өкүлчүлүгүнүн кызматкери Бекетай Мухтар Шэньси провинциясынын жана Борбордук Азия ортосундагы соода-экономикалык кызматташуу боюнча бизнес жолугушууга катышып жатып билдирди. 

Бул жолугушуу Шэньси провинциясынын Эл аралык сооданы өнүктүрүү комитети жана Шэньси эл аралык соода палатасы тарабынан уюштурулган.

Иш-чаранын жүрүшүндө Б.Мухтар эки өлкөнүн лидерлеринин ортосундагы конфиденциалдуу диалогдун жогорку деңгээлин, күчтөрдү бириктирүү жана биргелешкен кызматташуу долбоорлорун ишке ашыруу үчүн жагымдуу шарттарды түзүү тууралуу маалымат берди. Ал Кыргызстанга чет элдик инвестицияларды тартуу жана коргоо боюнча Кыргыз Республикасынын Министрлер Кабинети тарабынан көрүлүп жаткан чараларды белгиледи.

Б.Мухтар ошондой эле Кыргыз Республикасынын айыл чарбасынын инвестициялык потенциалын белгиледи. Тактап айтканда, Кыргызстан азык-түлүк коопсуздугун жакшыртуу үчүн айыл чарбасында Кытайдын технологиялык жетишкендиктеринен жана инновациялык чечимдеринен пайда көрүүгө кызыкдар экендигин билдирди.

Ал Кыргыз Республикасынын аймагында аквакультураны өнүктүрүү жана кыргыз форель балыгын өстүрүү келечектүү багыттардын бири экендигин айтты. Кыргыз Республикасындагы көлдөрдүн, дарыялардын жана суу сактагычтардын жалпы санын эске алганда товардык балыктын көлөмүн жылына 100 миң тоннага чейин көбөйтүү мүмкүнчүлүгү бар.

Өз сөзүндө ал  кыргыздын тоо балынын пайдасы, Кыргызстандан төө буурчак, картошка, алма, өрүк, кургатылган мөмө-жемиштер, кара өрүк, дарбыз, сүт азыктарын ташып келүү мүмкүнчүлүгүнө токтолду. Ал эми термикалык иштетилген эт жана балык (форель) Кыргыз Республикасы менен Кытайдын өсүмдүктөрдүн карантини жаатындагы ыйгарым укуктуу органдарынын ортосунда макулдашуунун акыркы стадиясында турат.

Соңунда кытайлык компаниялардын өкүлдөрү менен B2B форматындагы жолугушуулар өтүп, алар Кыргызстан менен айыл чарба тармагында кызматташуу мүмкүнчүлүктөрү менен кеңири таанышты.