КР Жаратылыш ресурстар министрлиги Жаратылыш ресурстар министрлигинин алдындагы Климаттык каржылоо борбору (мындан ары - ККБ) менен биргеликте Кореянын Эл аралык кызматташтык агенттиги (KOICA) аркылуу долбоорду даярдоо боюнча комплекстүү иштерди жүргүзүүдө.
2023-жылдын август айында Жаратылыш ресурстар министрлигине караштуу Климаттык каржылоо борбору Бишкектин жана анын айланасындагы абанын сапатын жакшыртуу үчүн гранттык каражат катары жалпы суммасы 10,0 миллион долларды түзгөн долбоордук табыштаманы иштеп чыгып, KOICAга жөнөткөн. Долбоордун арызы KOICAнын штаб-квартирасы тарабынан мурда жактырылган. Үстүбүздөгү жылдын 20-ноябрынан 24-ноябрына чейин Бишкек шаарындагы абанын сапатынын абалын алдын ала изилдөө жана абанын сапатына мониторинг жүргүзүү системасын өркүндөтүү максатында. KOICA миссиясы Бишкекке келди. KOICA эксперттери негизги ведомстволордун, анын ичинде Жаратылыш ресурстары министрлигинин, Өзгөчө кырдаалдар министрлигинин, ЭКМдин, Мамлекеттик курулуш комитетинин, Бишкек шаарынын мэриясынын жана Чүй облусунун ыйгарым укуктуу өкүлдөрү менен жолугушуу өткөрүштү. Бул жолугушуулар конкреттүү муктаждыктарды аныктоого жана келечектеги долбоордук иш-чараларды аныктоого багытталган.
2023-жылдын 24-ноябрында өткөн жыйынтыктоочу жолугушуунун жүрүшүндө KOICA эксперттери изилдөөнүн негизги жыйынтыктарын көрсөтүштү. Миссиянын жүрүшүндө долбоордун актуалдуулугу жана маанилүүлүгү тастыкталды, келечектеги долбоордун ар бир компонентинин алкагында конкреттүү муктаждыктар аныкталды. Кийинки этапта долбоор биротоло жактырылган учурда техникалык-экономикалык документтерди даярдоо үчүн толук изилдөө жүргүзүү пландаштырылууда.
Жаратылыш ресурстары министрлиги жана ККБ Кыргыз Республикасындагы абанын сапатын жакшыртуу боюнча долбоорду илгерилетүү үчүн KOICAга, ошондой эле бардык кызыкдар тараптарга бул маанилүү долбоорго активдүү катышкандыгы жана көмөк көрсөткөндүгү үчүн ыраазычылык билдирет жана узак мөөнөттүү оң натыйжаларды күтөт.
