Евразия экономикалык биримдигиндеги бажы кызматташтыгынын актуалдуу маселелери 2023-жылдын 4-майында Кыргыз Республикасынын Экономика жана коммерция министри Данияр Амангелдиев менен Кыргыз Республикасынын Бажы кызматташтыгы боюнча Коллегия мүчөсү (Министр) Евразиялык экономикалык комиссия Эльдар Алишеровдун ортосунда өткөн эки тараптуу жолугушууда талкууланды.
Бул жолугушуунун алкагында бажы чөйрөсүндөгү интеграцияны өнүктүрүүгө, ошондой эле эффективдүү бажы көзөмөлүнүн өз ара байланышынын механизмдери жана соодада бизнестин кызыкчылыктарын сактоо маселелери да каралды.
Мындан тышкары, жолугушуунун катышуучулары бажы мыйзамдарына, анын ичинде Евразия экономикалык биримдигинин Бажы кодексине электрондук сооданы жөнгө салуу бөлүгүндө киргизүү пландалып жаткан бажы тармагын өнүктүрүүнүн артыкчылыктуу багыттарын талкуулашты.
Жолугушуу жемиштүү маанайда өтүп, анын жыйынтыгында тараптар бажы кызматташтыгын тереңдетүү боюнча ишти улантуу ниетин билдиришти.