2022-жылдын 7-декабрында Кыргыз Республикасынын Экономика жана коммерция министрлигинин алдындагы Кыргыз аккредитациялоо борборуна, ошондой эле бизнес-ассоциацияларга Эл аралык соода борборунун колдоосу менен Кыргыз Республикасынын сыноо лабораторияларынын, Тышкы соода тармагындагы “Бирдиктүү терезе борбору” мамлекеттик ишканасынын өкүлдөрүнүн,Техникалык жөнгө салуу чөйрөсүндөгү ыйгарым укуктуу орган тарабынан демилгеленген лабораториялык сыноолордун отчетторун каттоо жана пайдалануу процесстерин автоматташтыруу боюнча долбоорду ишке ашырууну баштоо маселеси боюнча кеңешме өттү.

Өз сөзүндө техникалык жөнгө салуу жана метрология башармалыгынын начальниги Бакытбек Шабданов долбоорду ишке ашыруунун маанилүүлүгүн белгиледи, анда төмөнкүлөр каралган:

– административдик процедураларды оптималдаштыруу;

– шайкештикти баалоо боюнча документтерди берүүнүн ачыктыгын камсыз кылуу;

- процесстин катышуучуларынын электрондук өз ара аракеттенүүсүн камсыз кылуу;

– шайкештикти баалоо жаатындагы маалыматка жетүүнү камсыз кылуу.

Кыргыз Республикасынын ЭКМ алдындагы «Тышкы соода чөйрөсүндөгү бирдиктүү терезе борбору» мамлекеттик ишканасынын башкы директору Азамат Усенбаев Кыргыз Республикасынын лабораторияларынын өкүлдөрүнө шайкештикти баалоо боюнча документтерди берүүнү автоматташтыруу процессин (сыноо лабораторияларын) көрсөттү. 

Баяндамалардан кийин жолугушуунун катышуучулары актуалдуу маселелер боюнча пикир алмашып, кеңири талкууга активдүү катышып, долбоорду ишке ашыруу зарылдыгын белгилешти.

Соңунда Б.Шабданов бул долбоорду ишке ашырууда фальсификациялоо тобокелдиктери жоюлуп, шайкештикти баалоо боюнча документтерди берүү процессин көзөмөлдөөчү инструмент түзүлөөрүн баса белгиледи.