Бүгүн, 30-апрелде Экономика жана финансы министрлигинде бизнес коомчулугунун демилгеси менен министрдин биринчи орун басары Д.Иманалиевдин төрагалыгы астында, Кыргыз Республикасынын Өкмөтүнүн Аппаратынын Жетекчисинин биринчи орун басары А.Джунушалиевдин катышуусунда жолугушуу болуп өттү.

Жолугушуунун күн тартибинде Баткен облусуна социалдык жактан маанилүү азык-түлүк жана күйүүчү-майлоочу материалдарды үзгүлтүксүз жеткирүүнү камсыз кылуу боюнча иш-чараларды уюштуруу маселелери, Кыргызстандын бизнес коомчулугунун жабырлануучуларына колдоо көрсөтүү боюнча чаралар каралды.

Ошондой эле, КР Өкмөтү тарабынан Кыргыз-тажик чек арасындагы конфликттин жүрүшүндө жабыркаган калкка колдоо көрсөтүүгө тийиштүү юридикалык жана физикалык жактардан түшүп жаткан кайрылууларга байланыштуу, ыктыярдуу негизде түшүп жаткан акча каражаттарын топтоо үчүн “Баткен облусундагы Кыргыз Республикасынын Өкмөтүнүн ыйгарым укуктуу өкүлчүлүгүнүн аппараты” атайы эсеби ачылды.

Баткен облусунун тургундарына колдоо көрсөтүү үчүн акча каражатын ыктыярдуу негизде которууну каалаган юридикалык жана физикалык жактар төмөндө көрсөтүлгөн эсептерге акча каражатын которо алат.

Улуттук валютадагы эсептин реквизити (сом):

Алуучу банк: Баткен аймактык башкармалыгы;

БИК 440001; 

ИНН 01312199910086.

Эсеп номери № 4409021103005073 “Баткен облусундагы Кыргыз Республикасынын Өкмөтүнүн ыйгарым укуктуу өкүлчүлүгүнүн аппараты”

Төлөм коду 14411100 – “Учурдагы жардам”

Чет элдик валютадагы мультивалюталык эсептин реквизиттери (АКШ доллары):

Мындан тышкары, Кыргыз Республикасынын Экономика жана финансы министрлигине караштуу Монополияга каршы жөнгө салуу мамлекеттик агенттигине аймактагы социалдык мааниге ээ товарлардын бааларынын деңгээлин тезинен көзөмөлдөө жана баалардын негизсиз көтөрүлүшүнө жол бербөө тапшырмасы берилди.