Кыргыз Республикасынын Экономика министрлиги жеке жана юридикалык жактарды тиешелүү ветеринардык коштоочу документтери жок товарларды алып кирүүгө көзөмөл жүргүзүүнү күчөтүү жөнүндө эскертет.
2019-жылы 5 ай ичинде чек аралык ветеринардык өткөрүү пункттарында ЕАЭБтин бирдиктүү ветеринардык-санитардык талаптарын сактабагандыгы үчүн 14, ал эми 2018-жылы 96 көзөмөлдө турган жүк кармалган.
Кармалган жүктөр жөнөтүүчү өлкөгө (Казакстан Республикасы – 33 учур, Тажикстан Республикасы - 29 учур, Өзбекстан Республикасы - 26 учур, Россия Федерациясы - 3 учур) кайтаруу катары таризделген. Жаныбарлардан алынчу продукция менен болгон жүктөрдүн көпчүлүгү утилдештирилген, жаныбарлардан алынган продукция утилдештирилген, 5 учурда кайра берилген.
ЕАЭБдин бирдиктүү ветеринардык-санитардык талаптары менен Евразия экономикалык комиссиясынын сайтынан таанышууга болот.