Кыргыз Республикасынын экономика министрлигинин Түштүк аймактар аралык башкармалыгы тарабынан өз жобосундагы милдеттерди жана министрлик тарабынан берилген тапшырмаларды аткаруу алкагында, ийгиликтүү иштер жүргүзүлүп жатат. Айта кетсек, башкармалык тарабынан төмөндөгүдөй жумуштар аткарылды:
2014-жылдын 1-3-декабрында Ош шаарында, башкармалык тарабынан Германия Эл аралык кызматташуу долбоорунун Туруктуу экономикалык өнүгүү” программасынын каржылоосунда Ош облусунун Өзгөн, Ноокат, Кара-Суу райондорунун өкүлдөрү үчүн (пилоттук делген) үч күндүк окуу семинары өткөрүлдү. Ал семинарда, башкармалыктын жооптуу кызматкерлери тарабынан Мамлекеттин экономикалык акыбалы: аймактардын экономикалык өнүгүү тенденциясы жана өзгөрүүсү”, Ишкердүүлүк тармагынын өнүгүүсү: жетишкендиктер жана көйгөйлөр”, Бизнес-план: структурасы жана түзүүдөгү негизги талаптар” аттуу темалар боюнча презентациялар көрсөтүлүп, тажрыйбалык сунуштар берилди;
БУУнун программасы тарабынан каржыланган Ош облусунда соодага көмөктөшүү” долбоорунун алкагында, башкармалыктын кызматкерлери тарабынан 2014-2017-жылдарга карата Ош облусунун жана Ош шаарынын соода саясатын өнүктүрүү” Программасын түзүү боюнча иш-аракеттер жүрүп жатат;
Инвестиция жана потенциалдуу инвесторлорду тартуу максатында, түштүк аймак боюнча инвестициялык бизнес-долбоорлордун базасын түзүү алкагында иш аракеттер жүргүзүлүп жатат;
Министрликтин 2012-жылдын 10-октябрындагы «Социалдык маанилүү азык-түлүк жана азык-түлүк эмес товарларга баалардын өсүшүн кармап туруу үчүн КР Экономика министрлигинин Стратегиясын бекитүү жөнүндө» жана 2012-жылдын 14-сентябрындагы «Эң негизги социалдык маанилүү азык-түлүк жана азык-түлүк эмес товарлардын бааларына мониторинг жүргүзүү жөнүндө» буйруктарын иш жүзүнө ашыруу максатында, жума сайын Түштүк аймактын Ош, Жалал-Абад, Баткен жана Кызыл-Кыя шаарларынын ири базарларындагы негизги азык-түлүк жана азык-түлүк эмес товарлардын бааларына байкоо жүргүзүлүп, министрликке жиберилип турат;
Ошону менен бирге түштүк аймагынын район-шаарлардагы көмүр сатуучу соода түйүндөрүндө сатылып жаткан көмүрдүн орточо баалары боюнча маалыматтар жума сайын даярдалып, министрликке берилип жатат.