2020-жылдын 201-февралында Москва шаарында Евразия экономикалык комиссиясынын (мындан ары - ЕЭК) Кеңешинин жыйыны болуп өттү. ЕЭК Кеңешинин жыйынынын жүрүшүндө интеграциялык өз ара иштешүү маселелеринин кеңири спектри талкууланды.

ЕЭК Кеңешинин мүчөлөрү тарабынан Евразия экономикалык бирлигинин (мындан ары - ЕАЭБ, Бирлик) ички рыногунда тоскоолдуктарды четтетүү маселелери каралды, тышкы экономикалык ишти жөнгө салуу системасында “бирдиктүү терезе” механизмин өнүктүрүүнүн негизги багыттарын ишке ашыруу боюнча иш-чаралардын планын аткаруу боюнча 2020-жылга карата милдеттер талкууланды.

ЕЭК Кеңешинин жыйынтыгында бир катар документтер кабыл алынды, анын ичинде:

- ЕЭК Кеңешинин буйругу, анда навигациялык пломбаларды колдонуу менен товарларды транзиттик ташууларды көзөмөлдөө системасынын негизинде Евразия экономикалык бирлигинде товарлардын бажылык транзитинин бирдиктүү системасын өнүктүрүү боюнча иш-чаралар планы бекитилген;

- ЕЭК Кеңешинин чечими, анда Евразия экономикалык форум жөнүндө Жобо бекитилген;

- жыйындардын жүрүшүндө кабыл алынган комиссия Кеңешинин актыларына кол коюу механизмин өркүндөтүү жөнүндө ЕЭК Кеңешинин буйругу;

- ЕЭК Кеңешинин чечими, ал ЕЭК Бажы бирлигинин 2011-жылдын 28-январындагы № 526 Чечими менен бекитилген Бажы бирлигинин алкагында милдеттүү талаптар белгиленген продукциялардын Бирдиктүү тизмеси никотин камтыган продукция менен толукталат;

- ЕЭК Кеңешинин чечими, анда Евразия экономикалык бирлигинин жана Кытай Эл Республикасынын бажы чек аралары аркылуу өткөрүлүүчү, 2019-жылдын 6-июнунан ал күчүнө кирген датадан тартып Евразия экономикалык бирлиги үчүн милдеттүү эл аралык жүк ташуулардын товарлары жана транспорт каражаттары жөнүндө маалымат алмашуу жөнүндө макулдашууну таануу сунушталат ж.б.